Европска Унија му испорача 300 милиони евра макрофинансиска помош денеска, ова е втора и последна транша во рамките на помошта за ублажување на последиците од кризата со Ковид-19, јави дописничката на МИА од Брисел.

Првата транша, исто од 300 милиони евра, Тунис ја доби минатата година во јуни.

Тунис, како и другите земји од соседството на ЕУ и од земјите вклучени во политиката на проширување, има право на макрофинансиска помош за справување со кризата предизвикана од пандемијата.

Европската Комисија порачува дека овие средства ќе и помогнат на земјата да се справи со последиците од здравствената криза, што денес е дополнително влошена со војната во Украина во областа на храната и енергијата.

Овие 600 милиони евра вкупно Тунис ги добива во форма на долгорочни заеми со поволни услови. Целта е да се подобрат јавните финансии на земјата, да се реформира јавниот сектор, да се зајакнат механизмите за социјална заштита и да се реформира бизнис климата.

За возврат Тунис има обврска да ги почитува реформите во патоказот со ЕУ, демократија, човекови права, владеење на правото, но и фер изборен процес во јули и декември оваа година.