Училиштата во 10 градови и провинции во Турција, кои беа погодени од денешниот разорен земјотрес, ќе бидат затворени една недела, изјави турскиот потпретседател Фуат Октај.
Станува збор за училишта во градовите и провинциите Кахраманмарас, Хатај, Газиантеп, Османије, Адијаман, Малатија, Шанлиурфа, Адана, Дијарбекир и Килис, јавува Би-Би-Си.
Октај рече дека летовите до и од аеродромот во провинцијата Хатај се суспендирани, а аеродромите во Кахраманмарас и Газиантеп се затворени за цивилни летови.
