Минатиот викенд Олга Королова го напушти својот дом во Чернихив, Украина, со својата ќерка, кучето и сè што можеше да собере во две торби.

Таа возела со часови и успеала да ја премине границата со Полска, каде што истата вечер имала резервирано свирка, пренесоа медиумите, додавајќи дека Королова, една од врвните украински технодиџеи, ја отфрлила листата со претходно наредени хитови и пуштала музика исклучиво од украински уметници.

Таа го донирала својот хонорар на украинската армија и на добротворни организации што им помагаат на луѓето раселени од нападите.

Следната вечер таа била домаќин на посебен настан за собирање средства на својот канал на „Јутјуб“. На својата инстаграм-страница, некогаш дом на гламурозни фотографии од патувања и снимки од ноќни клубови, сега споделува вести од Украина и снимки од руската инвазија.

Нејзината цел е да им покаже на фановите – особено на руските – каков е степенот на деструкција.

„Шокирана сум што рускиот народ не ја гледа вистината“, вели таа. „Како да се во Северна Кореја, без информации. Моите фанови од Русија ми испраќаат пораки во кои пишуваат: не е вистина, ова е лага, сите ваши објави се лага. Како да не сакаат да видат што всушност се случува“.