Поранешниот премиер на Јапонија, Шинзо Абе денеска беше застрелан од зад грб за време на предизборен собир во градот Нара.
На Твитер се појавија првите снимки од моментот на нападот. По нападот, Абе паднал на земја, а неговите соработници веднаш дотрчале да му пружат прва помош.
NHK World Japan ‘s TV footage of Shinzo Abe being shot pic.twitter.com/niucWs9Xyu
— Eric Sturrock (@EricSturrock) July 8, 2022
Светските медиуми пишуваат дека Абе бил реанимиран, а според првичните информации погоден е во грбот и вратот. Очевидци изјавиле дека тој обилно крварел.
Во свесна состојба бил пренесен во болница, но наводно во меѓувреме ми откажало срцето, а лекарите се борат за неговиот живот.
Поранешниот гувенер на Токио, Јоичи Масузое соопштил дека Абе е во состојба на кардиопулмонарен застој. Овој термин во Јапонија се користи пред смртта да биде официјално потврдена, пренесува Би-Би-Си.
Јапонската полиција соопшти дека е уапсен осомничениот за нападот, 41 годишниот жител на Нара, Течуј Јамагами.
NHK video shows the moment #Shinzo_Abe’s suspected attacker was stopped. Local media reporting a man in his 40s has been arrested on a charge of attempted #murder pic.twitter.com/hcnlJ7uX2n
— Prateek Pratap Singh (@PrateekPratap5) July 8, 2022
Шинзо Абе беше премиер со најдолг стаж во историјата на Јапонија. Претседател на Владата беше од 2006 до 2007 година и од 2012 до 2020 година кога се повлече поради здравствени проблеми.
