Копилот на јапонската авиокомпанија ЈАЛ е уапсен откако не го поминал тестот за проверка на здивот, пред полетување на авионот на линија Лондон-Токио.
Кацутоши Јуцукава (42) ја признал вината наведувајќи дека во крвта имал речиси 10 пати повеќе од дозволената количина алкохол.
Лондонската полиција соопшти дека Јуцукава се појавил во суд и ја признал вината.
Авиокомпанијата соопшти дека копилотот е уапсен на аеродромот Хитроу поради кршење на британскиот закон.
Тој бил уапсен кога возачот на автобусот кој го превезувал екипажот на лондонскиот аеродром намирисал алкохол и пријавил во полиција.
Тестот покажал дека Јуцукава има 189 милилитри алкохол на 100 милилитри крв, што е речиси 10 пати повеќе од дозволената количина.
Тој признал дека ноќта пред летот испил две литри вино и кригла пиво, и ќе биде задржан во притвор до 29 ноември.
МИА