Во денешната експлозија во полна џамија во западниот дел на Авганистан загинаа 18 лица, меѓу кои и истакнат свештеник, а 21 лице се ранети, соопштија талибанските власти.
Експлозијата се случи во џамијата Гузарга во западниот град Херат за време на пладневната молитва, врвот на муслиманската верска недела кога џамиите се преполни.
Во нападот убиен е и Муџиб-ул Рахман Ансари, проталибански свештеник, познат во Авганистан по критикување на владите поддржани од Западот во последните две децении. Ансари важеше за близок до Талибанците, кои ја презедоа власта пред една година кога странските сили се повлекоа.
Се уште никој не ја презел одговорноста за нападот.
Претходните напади врз џамиите беа извршени од екстремистичката група Исламска држава. (МИА)
