Во Бјеловар, Хрватска се уапсени 75-годишна жена и 20-годишно момче поради дрога која им стигнала по пошта од Германија, јавува полицијата.
Како што пишуваат медиумите, утврдено е дека и двајцата живеат во Бјеловар и дека преку една платформа на интернет нарачале дрога од Германија.
Во понеделникот во поштата во Бјеловар го подигнале пакетот во кој се наоѓале 1.534 грама опојна дрога, амфетамин (спид) и 1.023 парчиња екстази, а дрогата била наменета со цел да се продава.
Откако пакетот бил подигнат, тие биле уапсени, а дрогата била одземена.
Најверојатно станува збор за баба и внук, но таа инфорамција не е потврдена.