Двејн Џонсон ја израдува својата мајка со прекрасен божиќен подарок. 46-годишниот актер ѝ подари нова куќа, а емотивниот момент на соопштувањето на веста го овековечи со видео.
„Изненадување! Ѝ купив на мајка ми нова куќа за Божиќ. Цел живот, додека растев, ние живеевме во мали апартмани насекаде низ земјата. Живеевме патувајќи од една држава во друга.“
„Првиот дом во кој моите родители живееја, беше оној кој им го купив во 1999 година. Тие се разведоа речиси 5 години подоцна.“
„Оттогаш, се обидувам мајка ми и татко ми секогаш да имаат сè што им треба – куќи, автомобили итн. Но, куќата овој пат е специјална и тајмингот е многу значаен. Ѝ кажав да ја користи оваа честитка како „Златен билет“, бидејќи може да го избере кој било дом што ќе го посака – каде и да посака. Секогаш велам, ако имаш добра мајка, тогаш имаш прилично многу добра можност да станеш пристојно човечко суштество. Среќен Божиќ Мамо и уживај во твојот нов дом“ – напиша Двејн во описот на видеото на Instagram.
