Фолк ѕвездата Светлана Цеца Ражнатовиќ се огласи по забраната да се емитуваат нејзините песни на јавниот сервис на Албанија (РТШ) од страна на албанското тело за аудио и видео медиуми.
-Не сум слушнала за забраната во Албанија. Сметам дека музиката не смее да има граници и бариери. Барем тоа е правило по кое се водам во текот на кариерата овие години наназад. Никогаш во своите песни не сум пренела политичка порака или омраза. Секогаш е и ќе содржи само љубовни пораки бидејќи мојата песна ги спојува луѓето, како што и јас ги сакам сите луѓе, вели пејачката за српски Блиц.
Таа додава дека е голем патриот и го сака својот народ и секогаш ќе биде покрај него и додава дека тоа не значи дека некој друг мрази или не ги почитува луѓето од другите вери, боја на кожа или нација.
-Ќе ги замолам моето име да не го мешаат во тоа, мојата публика е разнолика и така и ќе остане. И ќе и пеам на мојата публика додека таа тоа го бара од мене, вели Цеца за српски Блиц.