Селекторот на руската ракометна репрезентација Едуард Кокшаров, кој доаѓа на тренерското место во Вардар заменувајќи го Давид Писонеро, за руските медиуми изјави дека неопходна била промена во стручниот штаб на европскиот шампион.

– Одлуката ја донесе претседателот на клубот Сергеј Самсоненко по натпреварот во Лигата на шампионите против Кил. Јас разбирам дека ништо не може да се смени драматично за толку кратко време. Неопходно е да се зачува она што е, да не се скрши ништо и да се работи на нијанси. Моето назначување е неопходна мерка. Јас ќе го водам Вардар, сè додека клубот не собере нов тренер, односно во наредните неколку месеци, евентуално до крајот на сезоната, изјави Кокшаров.

Русинот и понатаму ќе ја води функцијата спортскиот директор на клубот.

– Знам дека поголем товар ќе падне врз мене, но ова мора да се прифати и работи – нема друг начин, додаде новиот предводник на „црвено-црните“.

Вардар во следното коло од Лигата на шампионите ќе гостува во Унгарија кај Веспрем.