Францускиот фудбалски шампион Пари Сен-Жермен синоќа го совлада Марсеј со убедливи 4:0 во последниот натпревар од 11. коло на Лига 1.
Мауро Икарди и Килијан Мбапе постигнаа по два гола, додека две асистенции отидоа на контото на Анхел Ди Марија.
За ПСЖ ова беше третата победа во низа. Со 27 бода тие се лидери на табелата.
Марсеј остана на 16 бода, доволно за во моментов седмо место.
