Светот е се уште потресен од трагичната несреќа во која загина НБА легендата Коби Брајант заедно со уште осуммина други лица, меѓу кои и една од неговите ќерки.
Токму поради ова, натпреварот против Портланд за екипата на Лос Анџелес Лејкерс, тим во кој Коби ја мина целата своја кариера, ќе биде посебен. Вечерва, во „Стејплс центарот“, „езерџиите“ ќе го одиграат првиот натпревар по трагичната несреќа, а целата сала ќе биде обоена во виолетово-златна боја и на седиштата се веќе поставени дресовите со број „8“ и „24“ кои своевремено ги носеше Коби во кариерата.
