Украина, на две недели, ќе ги затвори сите свои граници за странските државјани поради пандемијата на коронавирусот, изјави денеска секретарот на Националниот совет за безбедност и одбрана Александар Данилов.
Тој потенцираше дека на украинските граѓани кои живеат во странство ќе им биде дозволено да се вратат дома.
Украина во четвртокот воведе карантин што ќе трае до април, затворени се сите образовни институции, кина, театри и забавни центри и забранети се сите масовни собири.
Според украинското Министерство за здравство, во Украина досега три лица се заразиле со коронавирусот, од кои едниот починал.
