Не успеавме да обезбедиме соодветна дисциплина, владата донесе одлука, која е непопуларна за заштита на здравјето на луѓето.
Од сабајле во 10.00 во сите урбани средини апсолутно е забранет излез за луѓе постари од 65 години, а за помалите места, забрана за сите постари од 70 години.
Засега три градови се погодени: Белград, Кикинда и Ниш се најпогодени, Чачак помалку, соопшти претседателот на Србија Александар Вучиќ по вечерашната седница на владата, на која се донесени заострени мерки за борба против корона вирусот.
Ќе се отворат од 4 до 7 сите супермаркети само за постари лица, со сите заштитни маски и ракавици да можат да купат се што им е потребно.
Сите останати, од утре од 20 часот до 5 наутро, забрана за движење на сите лица, никој не може да биде на улица, освен надлежните органи и оние кои работат во трета смена.
Војската ја презема конттолата на сите гранични премини, врз сите мигрантски кампови и сите болници во државата, соопшти Вучиќ.
35.800 српски државјани се вратиле за еден ден, над 45.000 за ден ипол, соопшти Вучиќ. Од над 7.000 контролирани, дома не се најдени над 80% во самоизолација.
Изборите се одложуваат, изборните активности се прекинуваат. Датумот на изборите ќе се договори кога Србија ќе се избори со корона вирусот.