Израелската полиција уапси 320 лица кои, кршејќи ги рестриктивните мерки воведени поради епидемијата на коронавирусот, се собрале за традиционалното палење на оган за време на празникот Лаг Ба-Омер.
Во центарот на традиционалниот фестивал е гробницата на мистикот Шимон Бар Јохаи од вториот век, која обично привлекува илјадници верници кои се молат цела ноќ, играат и пеат околу огнот.
Полицијата соопшти дека неколку десетици луѓе се обиделе да влезат во гробницата и покрај забраната, и оти собраните верници фрлале камења кон полицијата, што доведе до масовни апсења.
