Германија регистрира најголем број заразени од коронавирус на дневна основа во период од три месеци.

Бројот на потврдени случаи на коронавирус во таа земја е зголемен за 1.226 и изнесува 218.519, покажуваат податоците на Институтот „Роберт Кох“. Ова е најголем пораст на бројот на нови случаи од 9 мај, наведува „Ројтерс“.

Шест лица починаа од Ковид-19 во Германија, а вкупниот број на смртни случаи од почетокот на пандемијата е 9.207.

-Ова е, без сомнение, многу загрижувачко, рече министерот за здравство Јенс Шпан и истакна дека граѓаните мора да бидат внимателни, за да се спречи ширењето на вирусот.

Шпан истакна дека туристите се враќаат во Германија и предупреди дека сите видови на забави и семејни собири претставуваат ризик.

Во мај, Германија започна постепено да ги олеснува рестриктивните мерки, со цел да ја покрене економијата.