Англискиот фудбалски гигант Манчестер Јунајтед ќе биде без Пол Погба на гостувањето кај ВБА во недела во рамките на 24 коло од англиската Премиерлига.
Составот на фаворитот ќе биде подзасилен на некој начин со дефанзивецот Ерик Баји, кој ќе се стави на располагање на тренерот Оле Гунар Солшер, откако претходното коло составот на Норвежанецот ремизираше дома со Евертон со 3-3.
„Погба е вон комбинација за настап, Баји се врати на тренинзите и тоа е одлично за нашиот тим“ рече Солшер на англиските медиуми.
Очекувањата се Погба да отсуствува од терените неколку недели по повредата која ја здоби во ремито против Евертон.
