Прилеп од сите градови беше прогласен за најчист и најзелен град во Македонија, дали сега градот е почист од претходно?, прашува поранешниот градоначалник на Прилеп Марјан Ристески.

Да се потсетиме зошто Прилеп беше најчист и најзелен град во Македонија?

– се изградија 200.000 метри квадратни нови парковски и зелени површини во градот;

– се изградија 40-тина нови бунари во секој парк… прв пат градот доби технолошка вода за неговите потреби-поливање паркови, перење улици…;

– се обезбедија 20.000 нови корпи за отпадоци за секое домаќинство и бевме први во Македонија во примарна селекција на отпад (сè уште градовите го немаат ова);

– за прв пат се набавија 2.000 нови контејнери низ градот, населбите и населените места токму за таа примарна селекција на отпадот;

– се поставија 60.000 метри квадратни бекатонски плочки по тротоарите и патеки низ парковите кои претходно беа калливи;

– се изградија 50-тина нови детски паркови-игралишта во градот и сите населени места (од депонии претворени во катчиња за одмор, забава, рекреација…);

– за прв пат во градот воведен е проектот “ЧОВЕК-УЛИЦА”, задолжен одржувач-чистач за секоја поглавна улица во Прилеп низ сите населби-проектот трае и денес!;

– прв пат во историјата на Општина Прилеп започна организирано подигање смет од сите населени места (каде има жители);

– се набавија камиони и механизација за подигање и депонирање на смет (дотогаш претежно со трактори), како и за тековно одржување на зелените и прометни површини;

– за прв пат во историјата се среди депонијата “Алинци”, која претходно “нон-стоп” беше запалена и претставуваше огромен извор на зараза и загадување во овој дел на Пелагонија (со “Дрисла” во Скопје беа прогласени за најсредени депонии во Македонија);

– за прв пат во историјата се набави машина за селекција на отпад и се изгради (во завршна фаза) фабрика за инсталирање на истата во близина на депонијата “Алинци”. Од неразбирливи причини сè уште е недозавршена и пуштена во упoтреба? Истата ќе беше прва од таков вид во Македонија со комплетна селекција на отпадот, профит на претпријатието од продажба на истиот и над 100-тина нови вработувања!!!;

– се средија претходно запуштените гробишта-хортикултурно,со патеки…;

– за прв пат во историјата на Прилеп се изгради капела во Новите градски гробишта и при крај беше изградбата на капела и во Старите градски гробишта (од неразбирливи причини сè уште недозавршена, а посебно потребна сега во услови на COVID-пандемија!?!?;

– за прв пат комплетно беше реконструиран царинскиот терминал по европски стандарди за потребите и по барање на бизнис секторот од градот и пошироко (500.000 евра инвестиција);

СЕ ИНВЕСТИРАШЕ… А ПРИЛЕП ОД СИТЕ ГРАДОВИ БЕШЕ ПРОГЛАСЕН ЗА НАЈЧИСИСТ И НАЈЗЕЛЕН ГРАД ВО МАКЕДОНИЈА!!!!

П.С.

– Дали сега градот е почист од претходно?

– Дали се сеќавате сега на некој нов парк, игралиште…?

– Дали се сеќавате на некоj нов проект или инвестиција за поголема заштита на животната средина во Општината?…
или дали одржувањето на сè што беше направено и инвестирано е на ниво како претходно !?!?

Одговорот го има секој кој живее, кој го посетува или поминува низ Прилеп!!!, пишува во својата Фејсбук објава Ристески.