Актуелниот шпански фудбалски шампион Реал Мадрид на гостувањето од 16.15 часот кај Селта во Виго ќе биде ослабен со неиграњето на капитенот Серхио Рамос.
Рамос не е на пријавната листа за мечот, бидејќи се повредил на тренинг и се работи за повреда на потколеницата на левата нога, и со него нема да се ризикува, иако повредата не е многу сериозна.
Освен Рамос, на листата на повредени се и Карвахал, Одриозола, Азар и Маријано Дијас.
Оваа повреда на Рамос може да значи дека тој нема да игра ни за репрезентацијата на Шпанија во претстојниот циклус, а би се вратил во април кога на Реал му претстојат сериозни предизвици, во рок од 8 дена ќе треба да игра три многу тешки натпревари двапати со Ливерпул во ЛШ и еднаш со Барселона во фудбалскиот шампионат на Шпанија.