Македонската кошарка ќе има двајца судиски претставници на завршниот турнир во регионалната кошаркарска БИБЛ-лига.
Александар Милојевиќ и Александaр Павлов ќе бидат дел од завршниот турнир кој ќе се одигра во Израел. За Милојевиќ ова е втор „фајнaл-фор“, додека Павлов првпат е дел од завршницата на оваа лига.
Павлов ќе го суди првото полуфинале меѓу бугарските Берое и Академик Пловдив, додека Милојевиќ е прв судија на израелскиот полуфинален двобој меѓу Холон и Гилбоа Галил.
Ф4 турнирот ќе се одржи од 27 до 29 април во „Тото арена“ во оваа земја.
