Ѕвездата на Барселона, Лионел Меси се почасти со нов стан во вредност повеќе од 6,5 милиони евра. Станот се наоѓа на деветиот спрат во зграда во Мајами, односно целиот спрат во неговасопственост.
Станот има 512 метри квадрати, а само терасата има дополнителни 200 квадрати, со панорамски поглед кон океанот. Располага со 4 спални соби и исто толку купатила, а поседува и посебна просторија за ладење во која можат да се постават 1.000 шишиња вино.
Во комплексот каде што се наоѓа овој стан има шест базени, спа центар, фитнес центар, игралиште за деца…
Сите станари од овој комплекс исто така имаат директен пристап на плажата, пристап до јога центар, кујна со најдобра светска храна, како и широк избор на вина од барот.
Лионел Меси поседува уште еден стан во Мајами и тоа само неколку блока одалеченост од новиот, а за истиот тогаш инкасирал 4.5 милиони евра.
