Татковците имаат многу побрзи одговори и се повнимателни со ќерките отколку со синовите. Научниците истражувале како реагира мозокот на татковците кон децата и дали свесно или несвесно се однесуваат поразлично кон нив.
Резултатите покажале дека татковците кон ќерките се поемотивни и поотворени за чувствата, додека со синовите се малку погруби. Затоа ќерките се најчесто “татини принцези“.
Мажите кои имаат синови помалку разговараат со нив и помалку обрнуваат внимание на нивните емотивни потреби, што влијае на емотивниот развој на децата. Џенифер Маскаро од Универзитетот Емори вели дека ако некое дете плаче и го бара татко си, мажите кои имаат ќерки побрзо ќе реагираат од оние кои имаат синови.
Утврдено е дека татковците чести ги користат зборовите како „плаче“, „солзи“ и „осамено“ кога зборуваат со своите малечки ќерки.
Претходните студии покажале дека мажите кои не покажуваат емоции најчесто страдаат од депресија, проблеми со интимноста и имаат поголем ризик да стапат во несреќен брак.