Фудбалскиот тренер Роберто Манчини потпиша нов договор со италијанската фудбалска федерација, со кој останува селектор до 2026 година.

Ова значи дека Италијанците планираат нивен селектор и на следните два Мундијали, во Катар 2022 и Северна Америка во 2026 година, како и на европските првенства годинава и во 2024 да биде Манчини.

„Многу сакаме да освоиме некој голем трофеј, но не е лесно. Пред три години почнавме со работа и веќе имаме добри резултати. На големите натпреварувања не е доволно само да имате добар тим, туку треба и малку среќа“ – изјави селекторот Манчини.

Последниот пораз им е во септември 2018 година од Португалија во Лигата на нации. Но, Италија не била европски првак уште од далечната 1968 година, а последна светска титула им е онаа од 2006 година.Манчини откако седна на клупата на Италија, има 19 победи, 7 нерешени и само два порази.