Фудбалската репрезентација на Италија синоќа по продолженија ја совлада Австрија со 2-1 и се пласираше во четвртфиналето на Европското првенство во фудбал.
Италијанците на мечот поставија рекорд по број на минути без примен гол. Тие успеаја да поминат 1.142 минути без примен гол и со тоа да го урнат сопствениот рекорд кој траеше од 1972 до 1974 година, а на голот на „аѕурите“ беше легендарниот Дино Ѕоф.