Во сообраќајната несреќа која викендов се случи на улицата „Рузвелтова“, во која се преврте полициско возило, а повредени беа тројца полициски службеници, настрада и едно дрво.
Вчера од Град Скопје преку социјалните медиуми информираа дека дрвото по сообраќајката претставува опасност за граѓаните и истото ќе биде исечено.
-Екипи на ЈП „Паркови и зеленило“ денеска вршат сечење на едно дрво на улицата „Франклин Рузвелт“, кое поради сообраќајна несреќа беше навалено и претставуваше опасност по безбедноста на граѓаните, информираат од Град Скопје.
