На 13.08.2021 од страна на полициски службеници од СВР Штип – ОВР Свети Николе во координација со Секторот за насилен криминал при Одделот за криминалистичка полиција при БЈБ и СВР Скопје преземени се мерки и активности при што од страна на полициски службеници од ОВР Свети Николе на лице место е фатено лице при обид да изврши измама.

Во координација со горенаведените единици, а по насоки на Јавен обвинител од ОЈО Скопје извршени претреси на две локации во Скопје и притоа пронајдени се предмети кои потекнуваат од кривично дело „измама“, пријавено на подрачјето на СВР Штип.

Од извршените истражни дејствија и сите преземени оперативно – тактички мерки постојат основи на сомневање дека измамите на подрачјето на СВР Штип (Штип, Свети Николе и Берово) за наводна набавка на жито ги извршил Б.А., кој се наоѓа во затвор, а преку соучесникот Г.Г. ја наплаќал договорената непостоечка житна култура.

По документирање на случајот од ОВР Свети Николе ќе следува соодветна пријава до надлежниот обвинител.