Две лица се повредени при изградба на објект во селото Чифлик. Случајот е пријавен вчера попладне во СВР Штип, а како што денеска информира МВР, повредени се сопственикот на објектот К.К. (42) и И.Н. (27) од село Облешево.
Двајцата се пренесени во Општата болница во Кочани при што кај И.Н. се констатирани тешки телесни повреди, а кај К.К. полесни повреди.
Увид на местото на настанот извршила екипа од полициската станица Кочани, а за настанот се известени јавен обвинител и трудов инспектор.
