Две непознати лица утрово околу 4:35 часот извршиле грабеж во обложувалница на улица „Младинска“ во Струмица.
Според МВР, откако двајцата влегле во обложувалницата со закана со нож кон вработениот одзеле пари, а на излегување и физички го нападнале.
Засега не се знае колку пари однеле разбојниците од обложувалницата, а по пријавувањето на настанот во СВР Струмица се преземаат мерки за расчистување на случајот.
