Тоа што Европската Унија го донесе како одлука оди во прилог на нашата политика, а тоа е да има што поголем број вакцинирани граѓани.
Ова денеска го истакна министерот за здравство Венко Филипче одговарајќи на новинарско прашање поврзано со одлуката на ЕУ , Македонија да се отстрани од листата на безбедни земји поради зголемениот број на заразени случаи со Ковид-19.
-Со тие сертификати нема никакви рестрикции, не се бараат ни ПЦР тест, ниту карантин. Тоа е доказ дека целиот свет оди во тој правец, очигледно сите свесни дека тоа е динствениот начин да се врати нормалниот живот, вели Филипче.
Од листата безбедни земји покрај Македонија отстранети се Израел, Косово, Либан и Црна Гора.
