Најдобриот светски фудбалер, Кристијано Роналдо, неодамна се врати во Манчестер, но животот во Англија може да му донесе некои проблеми.
Секако, самиот Роналдо не е проблем. Тој е човек кој живее семеен живот, не е склон кон скандали или инциденти, но со оглед на неговата слава и богатство, може да биде сериозна мета на мафијата за време на неговиот нов престој во Англија.
Дејли Стар пишува дека Роналдо е цел на британска банда. Особено, новата вила на Португалецот е „на радарот“ на локалната мафија, која порано често се пробиваше во имотите на познатите фудбалери, а некои од нив беа во директен судир со припадниците на мафијата. Само сетете се на Сеад Колашинац и Месут Озил, кога беа нападнати во Лондон.
Но, се разбира, Роналдо не остава ништо на случајност, така што тој, неговата сопруга и децата ќе бидат надгледувани од разни чувари, ќе имаат постојана заштита, а нивниот имот ќе биде покриен со видео надзор и целосно заштитен.
Роналдо играше за Манчестер Јунајтед од 2003 до 2009 година и сега се враќа на „Олд Трафорд“, откако неочекувано донесе одлука да го напушти Јувентус на крајот од преодниот рок.
Тој би требало да го има своето деби во дресот на Јунајтед за време на викендот против Њукасл, а претходно со два гола му донесе победа на Португалија во квалификациите за СП и со 111 погодок влезе во историјата како најдобар стрелец на репрезентациите.
