Кралицата Елизабета втора ги откажа онлајн состаноците закажани за денес бидејќи сè уште има благи симптоми на настинка поради инфекција со вирусот Ковид-19, соопшти Бакингемската палата.
Според портпаролот на палатата, таа одлучила да не учествува во планираните виртуелни ангажмани, но ќе продолжи со полесни обврски, пренесува „Washington Times“.
Полесните обврски вклучуваат, меѓу другото, читање британски весници во добар дел од денот.
Бакингемската палата во неделата потврди дека кралицата има благи симптоми на вирусот Ковид-19, слични на сезонска настинка.