Министерот за надворешни работи на Грција, Никос Дендиас во телефонскиот разговор со неговиот украински колега Дмитро Кулеба го информирал дека планира во блиска иднина да ја посети Украина, но и дека Грција има намера да испрати хуманитарна помош, јави дописничката на МИА од Атина.

-Го информирав министерот за надворешни работи на Украина дека планирам да ја посетам Украина во блиска иднина и дека Грција има намера да испрати хуманитарна помош за настраданиот народ на Украина, вклучително и грчката дијаспора, на која нашата земја ѝ придава посебно значење, напиша на „Твитер“ министерот за надворешни работи на Грција.

Дендиас, телефонски разговарал и со претседателот на Меѓународниот комитет на Црвениот крст Питер Маурер, а шефот на грчката дипломатија, преку „Твитер“ соопшти дека ја нагласил потребата да се обезбеди хуманитарна помош за Мариупол, „дом на голем дел од грчката дијаспората“ и изразил надеж дека ќе биде овозможена евакуација на цивили, вклучително и членовите на грчката дијаспора

-Грција е подготвена да им помогне на евакуираните, напиша Дендиас.  (МИА)