Поранешниот фудбалер на Наполи и Реал Мадрид, Фреди Ринкон (55 г.) е во критична состојба и се бори за својот живот во болница во Кали, откако автобус удрил во неговиот автомобил.
Шпанските медиуми пишуваат дека тој бил опериран а операцијата траела два часа и 45 минути. Прогнозата за жал не е добра, открива Хамилтон Рикар, близок пријател на Ринкон.
„Фреди беше опериран и прогнозите не се добри“, открил тој за шпанските медиуми.
Според извештаите на локалната полиција кои цитираат изјави на сведоци, Ринкон бил зад воланот кој поминал на црвено и не го ни видел автобусот како се приближува до раскрсницата кога се случил судирот.
# MásViral | En cámara de seguridad quedó grabado el momento del impacto del vehículo de Freddy Rincón contra un bus de MIO en Cali. El accidente ocurrió porque el exjugador aparentemente se habría pasado un semáforo en rojo. pic.twitter.com/36ftCUxCFh
— red+ noticias (@RedMasNoticias) April 11, 2022
Ова не е прва тешка сообраќајна несреќа на Ринкон. Пред девет години, популарниот „Ел Колосо“ изгуби контрола зад воланот на својот камион кој се преврте на патот. Како резултат на несреќата, Ринкон потоа се здобил со тешки повреди опасни по живот, но успеал целосно да се опорави.
Сите се надеваат дека и овој пат ќе може да се опорави.
