Шпанскиот шампион Реал Мадрид имаше одлични резултати оваа сезона во Ла Лига, а допрва ги чека и битката за трофејот во Лигата на шампиони, а пред нив е Ливерпул со кого ќе играат во големото финале, додека претседателот Флорентино Перез веќе со мислите е во летниот преоден рок.
„Кралевите“ летово се очекува да ангажираат неколку фудбалери, а меѓу нив се Килијан Мбапе и Антонио Рудигер, кои треба да пристигнат како слободни играчи, но Перез сака да го продолжи договорот и со Карим Бензема.
Французинот игра во одлична форма оваа сезона и има соработка до јуни 2023 година со шпанскиот гигант, па затоа „кралскиот тим“ му нуди соработка на уште една дополнителна година, односно до 2024 година.
„Марка“ објави дека искусниот напаѓач е во напредни преговори за нова соработка, па се очекува да стави потпис на договор во следниот период.
🚨 𝐁𝐑𝐄𝐀𝐊𝐈𝐍𝐆: Karim Benzema is in advanced talks with Real Madrid over extending his contract until 2024.
(Source: @elconfidencial) pic.twitter.com/j6SLRmH9zV
— Transfer News Live (@DeadlineDayLive) May 11, 2022
