Грчките власти издадоа „црвен аларм“, предупредување за поројни дождови и силни бури, јавуваат грчките медиуми.
Лошите временски услови опфатија голем број грчки региони. Десетици куќи и автомобили се поплавени.
На Халкидики, надојдените води носеа автомобили и лежалки од плажите.
Во областа на Волос, десетици куќи беа поплавени, а пожарникарите ги спасуваа туристите.
Има поплава во предградието на Атина, Мандра, каде што водата достигна половина метар на улиците.
(Миа)
