НАТО ја прави „најфундаменталната промена“ во својата политика од Студената војна со засилување на присуството на своите источни граници, оцени генералниот секретар на Алијансата Јенс Столтенберг во напис за Фајненшл тајмс.

Конфликтот во Украина влегува во „критична фаза“ и претстои тешка зима за Киев и неговите партнери, вели Столтенберг.

„Доаѓа зима и ќе биде тешка. Тешка за украинскиот народ и вооружените сили… и тешка за оние од нас кои ги поддржуваме, истакна Столтенберг.

Тој додаде дека НАТО подготвува повеќе од десетина проекти за да и помогне на Украина да ја преброди зимата и да премине од оружје од советската ера на „капацитети според НАТО стандардите“.

Шефот на НАТО истакна дека во последните шест месеци западните земји се во тешка ситуација, загрозени од прекин на снабдувањето со енергија, дестабилизација и народни немири.