Наполи беше подобар од Аталанта во вечерашното дерби во Серија А, победа во која важна улога одигра нашиот ас Елиф Елмас.
Елмас беше стартер и за довербата на тренерот Лучијано Спалети возврати со погодок во првото полувреме, погодок со кој неговата екипа комплетно го cврте резултатот (2-1) што на крајот се покажа како пресудно за освојување на трите бода.
-По тежок период среќен сум што имав самодоверба и што ги освоивме трите бода. Се надевам ќе продолжиме вака до крајот. Тренерот ни го кажа составот два часа пред натпреварот. Бев малку под стрес бидејќи немав играно долго време, но секогаш сум спремен. Овие три бода се важни. Патот е правилен, но има уште долг пат и мора вака да продолжиме, -порача Елмас.
