Фудбалерите на Аргентина беа подобра репрезентација во првото полувреме против Полска, меѓутоа не успеаја да го скршат отпорот на европскиот ривал во клучниот натпревар на Мундијалот во Катар. Откако Лионел Меси промаши пенал во финишот на полувремето, веднаш на стартот на продолжението Аргентинците поведоа.
Останува впечатокот дека дисциплинираните Полјаци прелесно капитулираа, во една навидум неопасна акција. Топката од десната страна ниско на пеналтикот ја упати Молина, а таму ја сочека Алексис Мек Алистер кој ја смести во мрежата на ривалот за 0-1.
Голот на Мак Алистер за водство на Аргентина:
Видеото погледнете го ТУКА
Ова е прв примен погодок за Полска и Војчех Шчесни на Мундијалот, во одлучувачкиот натпревар во битката за место во осминафиналето.
