Светската фудбалска федерација (ФИФА) објави дека полуфиналето и финалето на Светското првенство во Катар ќе се игра со нова топка наречена „Ал Хилм“. Ќе ја замени топката „Ал Рихла“, која се користеше на првите 60 натпревари на турнирот.
Кожената топка произведена од компанијата „Адидас“ минимално се разликува од својот претходник. Сепак, топката „Ал Хилм“ има вметната златна основа, а изградена е со триаголни парчиња кои ја симболизираат пустината во близина на Доха.
Во полуфиналето во вторник и среда, бранителот на титулата светски првак Франција ќе игра со првата африканска селекција што стигнала до оваа фаза, Мароко, додека последниот финалист на Светското првенство Хрватска ќе се соочи со двократниот победник Аргентина. Финалето на Светското првенство е следната недела во Лусаил.
