Помеѓу 35.000 и 40.000 Аргентинци планираат да патуваат во Доха на полуфиналниот натпревар на Светското првенство во фудбал со Хрватска, според проценката на аргентинската амбасада во Катар.
Тоа е најголемиот контингент навивачи кои пристигнуваат од Аргентина во Катар за време на Светското првенство. Фудбалерите на Аргентина имаат поддршка од илјадници Индијци и Бангладешци, кои се вработени во Катар.
Натпреварот меѓу Аргентина и Хрватска ќе се одигра во вторник на стадионот „Лусаил“.
„Да ги искористиме овие моменти со луѓето кои се тука и во Аргентина, каде сите се еуфорични“, изјави капитенот на Аргентина, Лионел Меси.
