Дисциплинската комисија на Африканската фудбалска конфедерација го суспендираше поранешниот марокански репрезентативец Мустафа Хаџи поради фалсификување на тренерската лиценца.
Во соопштението на CAF се вели дека на Хаџи му e забрането да се занимава со каква било спортска активност поврзана со фудбалот во следните пет години бидејќи ја фалсификувал својата тренерска А лиценца.
Хаџи играше за Мароко на Светските првенства во 1994 и 1998 година. За репрезентацијата настапи на 63 натпревари.
Од 2014 до 2022 година тој беше помошник на тројца марокански селектори, Баду Заки, Ерве Ренар и Вахид Халилхдожиќ, иако никогаш не ја положи А лиценцата. Тој беше разрешен од должноста во август годинава кога беше откриена неговата измама.