Лионел Меси успеа да го оствари својот најголем сон, на својата Аргентина ѝ ја донесе титулата светски шампион.
По 36 години чекање, „гаучосите“ се искачија на светскиот трон, откако во незаборавно финале ја совладаа француската репрезентација по подоброто изведување пенали.
Todos creían que era la mamá de Messi, pero no. La de ese abrazo hermoso es Antonia, la cocinera de la Selección Argentina🇦🇷. pic.twitter.com/bLWOVfeaIz
— Actual Fútbol (@ActualFutbol) December 20, 2022
По натпреварот, на теренот можеше да се забележат крајно трогателни сцени. Аргентинските фудбалери и нивните најблиски го прославија успехот, а посебно внимание привлече сцената кога една жена притрча до Меси и силно го прегрна.
Тоа било многу емотивен момент за двајцата. Жената не можела да ги запре солзите, а најпрвин сите помислиле дека се работи за мајката на Меси, Селија, па снимката експресно стана вирална.
Postal completa de los cumpleañeros del día junto al Presidente: Leo Messi, el juvenil Nehuén Pérez y la chef Antonia. ¡Felicidades! 😁🎂 pic.twitter.com/CC1iVX0saE
— 🇦🇷 Selección Argentina ⭐⭐⭐ (@Argentina) June 24, 2018
Меѓутоа, подоцна се откри дека жената која го прегрнуваше Меси на теренот е всушност Антонија Фариас – готвачка во аргентинската репрезентација.
Антонија има 42 години и веќе 10 години ја следи репрезентацијата на сите патувања.
Меси и неговите соиграчи ја обожуваат. Таа одлично си ја извршува својата работа и позната е по тоа што сака да им ги исполнува желбите по натпреварите. Секогаш им ги готви омилените јадења и тоа им е некој вид дополнителна мотивација.