Едуард Менди, голманот на премиерлигашот Челзи, мораше итно да замине на операција на прстот кој го повреди на тренинг. Клубот од Лондон не соопшти колку долго ќе отсуствува 30-годишниот Сенегалец.
Менди не игра ни минута за „сините“ откако се врати од Светското првенство во Катар, каде заработи повреда на рамото, а неговиот тим беше елиминиран во осминафиналето од Англија со 3-0.
Во трите натпревари од продолжението на Премиер лигата меѓу стативите седеше Кепа Аризабалага, кој претходно рамноправно делеше минутажа со Менди. И двајцата имаа по единаесет настапи пред паузата. Во тие три натпревари, Челзи го победи Борнмаут со 2-0, ремизираше со Нотингем 1-1 и загуби од Манчестер Сити со 0-1 и е само десетти во Премиер лигата со 25 бода од 17 натпревари.
