![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
Македонската ракометна репрезентација со три убедливи порази ја заврши групната фаза на 28-то Светско првенство во Полска и Шведска, откако после двоцифрените порази од Норвешка и Холандија, вечерва убедливо нѐ победи и Аргентина, па „црвено-жолтите“ ќе играат во Президент-купот во разигрувањето за пласман и тоа како – единствена селекција од Европа.
Од цела Европа, само Македонија оди во непопуларното доигрување на Мундијалот, а таму ќе се пресметува со Африканци, Азијци и Јужноамериканци, само како доволен доказ за очајот и бламажата што на овој Мундијал ја доживеа новата генерација предводена од Кирил Лазаров на клупата.
Македонија во Президент-купот продолжува во група во која нѐ чекаат само африкански селекции, сигурен е Алжир, а Тунис и Мароко вечерва треба официјално да ја комплетираат групата зашто во последните мечеви вечерва играат против апсолутните фаворити Хрватска односно Данска и се очекува да загубат.
Во првата група се селекциите на Чиле, Саудиска Арабија, Уругвај и Јужна Кореја.
Македонија на 19 јануари против Алжир треба да ги почне настапите во Президент купот, а врз база на пласманот во групата после дополнителните три меча во групата, ќе игра и четврти за конечен пласман на овој Мундијал.
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)
![](https://i.imgur.com/wVwG9pe.jpg)