Кошаркарскиот клуб Морнар ги извести своите навивачи дека натпреварот против Црвена Звезда кој требаше да се игра во недела од 17 часот, е одложен.
Во објавата на социјалните мрежи и на клупската интернет страница пишува дека причина за тоа е „деликатна здравствена ситуација“ во белградскиот тим, без да се наведат детали што значи тоа.
„Натпреварот од 23. коло на АБА лигата меѓу Морнар и Црвена Звезда е одложен на барање на противникот поради деликатна здравствена ситуација во екипата. Новиот термин е четврток, 20 април“, пишува во известувањето од клубот од Бар.
Ова е втор одложен натпревар на Црвена Звезда, по оној против Олимпија кој е презакажан за 22 април. Еден одложен натревар има и Партизан, оној против Будуќност од минатата недела кој не се играше поради изборите во Црна Гора.
