Научници од хонгконшкиот Универзитет за наука и технологија, развија антивирусна супстанција којашто ќе може да ги штити површините од новиот коронавирус и до 90 дена.

Цената на МАП-1 е осум евра. Инаку, научниците на ова средство во облик на спреј работеле 10 години.

Според нив, тоа ги штити површините на јавни места, како што се огради на скали и лифтови.

– Овие места се допираат од многу луѓе и на тој начин стануваат многу лесни преносители на болести. Спрејот е составен од милиони нанокапсули со дезинфекциски средства коишто ги уништуваат бактериите и вирусите – објаснува професор Џозеф Кван, еден од водечките истражувачи на Универзитетот.

Тој додава дека ефикасноста на МАП-1 се зголемува при полимери чувствителни на топлина, кои се распаѓаат во допир со човек и така ги ослобoдуваат дезинфициенсите. Спрејот е нетоксичен и безбеден за кожата и за животната околина. Одобрен е за службена и масовна употреба во февруари, по клинички испитувања во една болница во Хонк Конг.