Полициски службеници од Мобилната единица за безбедност во сообраќајот денеска (29 мај) од 11 до 14 часот, спровеле акциска контрола на подрачјето на Гостивар, во која откриени и санкционирани се 21 прекршоци. 10 возачи ги управувале возилата и мотоциклите без возачка дозвола, а шест возила имале истечена регистрација. На прекршителите изготвени им се соодветни поднесоци и тие ќе се соочат со предвидените парични глоби и други мерки според Законот за безбедност на сообраќајот и Законот за возила.
При контролата, исто така, санкционирани се и 5 други видови сообраќајни прекршоци.
