Единаесетгодишно дете е тешко повредено, откако во него удрил автобус додека возело велосипед. Според полицијата, несреќата се случила вчера во 19.40 часот на улицата „Едвард Кардељ“ во Струга, кога автобус „ивеко“ управуван од Г.П. (57) од селото Мислешево, удрил во велосипед управуван од 11-годишно момче од Струга.
Од ударот детето се здобило со тешки телесни повреди и со возило на Итна медицинска помош Струга било пренесено во болницата „Св.Еразмо“ – Охрид, каде му била укажана лекарска помош и е задржано на понатамошно лекување. Увид на местото на настанот извршила екипа од Полициската станица Струга.
