Министерството за внатрешни работи во текот на вчерашниот ден (19.04) продолжи со засилените акциски контроли во областа на сообраќајот.
На територијата на Чаир изречени се вкупно 88 мерки, меѓу кои за возење повеќе од дозволената брзина 11, осум за возење без возачка дозвола, пет за технички неисправни и нерегистрирани возила.
Изречени се пет санкции за користење мобилен телефон, 23 прекршоци што ги чинат возачи на мотоцикли, шест за некористење сигурносен појас.
Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот.
