Одделението за внатрешни работи Прилеп до Основното јавно обвинителство Прилеп, поднесе кривична пријава против Т.Б.(67) од Прилеп поради постоење основи нa сомнение за сторено кривично дело „силување“.
-Во периодот од 26.02. до 02.03.2020 во семејната куќа во прилепско село, пријавениот во три наврати извршил обљуба врз неговата 19-годишна снаа (невенчана сопруга на неговиот посинок). На 04.03.2020 таа го пријавила случајот во ОВР Прилеп, по што бил лишен од слобода и задржан во Одделението за внатрешни работи Прилеп, информираат од МВР.
Во текот на вчерашниот ден судија на претходна постапка му определил мерка притвор во траење од 30 дена.